منتدي الطائر الانيق
اهلا وسهلا بك ايها الزائر في المنتدي الطائر الانيق


منتديات الطائر الانيق المتنوعه لخدمات الكمبيوتر والموبايل
 
الرئيسيةس .و .جبحـثالأعضاءالتسجيلدخول
الان وبعد غياب طويل ينزل المنتدي بكل جديد من مواضيع حصريا والعاب جديدة باسم المنتدي المنتدي

شاطر | 
 

 طريقه تشغيل العاب ps2 من غير فلاش او هارديسك

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
ابراهيم ذكي
Admin
Admin
avatar

المهنة : مدير منتدي
عدد المساهمات : 200
نقاط : 608
السٌّمعَة : 4
تاريخ التسجيل : 08/05/2011
العمر : 21

مُساهمةموضوع: طريقه تشغيل العاب ps2 من غير فلاش او هارديسك   السبت ديسمبر 10, 2011 9:04 am

بسم الله الرحمن الرحيم


مستغرب صح .... لا متستغربش ولا حاجة الموضوع سهل و بسيط و بيعتمد على فكرة بسيطة بس محتاجة شوية شغل

مبدأيا

هنحتاج فى الموضوع ده كابل نت و أراجة عشان نأرج كابل النت

دلوقتى ركز كويس فى حتة كابل النت دى عشان دى حتة مهمة

أى كابل نت طبيعى هيكون ترتيب السلوك فيه كده



بس إحنا مش عاوزين سلك نت طبيعى إحنا محتاجين كابل Crossover
Crossover ؟؟
هفهمك يعنى إيه زى ما شفنا فوق ترتيب السلوك فى كابل النت العادى زى بعضه من الناحيتين
أما فى كابل الCrossover فى 4 سلوك بيتعكس أماكنهم و بيكون ترتيب السلوك زى كده



لمزيد من التوضيح ده الفرق بين الكابل العادى و

Crossover





تمام كده ... عندنا الكابل ... يبقى نروح على الخطوة الى بعد كده الكمبيوترلازم يكون الكمبيوتر متعرف على الشبكة عشان الطريقة دى تشتغل الأول هشرح

الطريقة على


Win XP



1- أفتح Start menu و اختار Control panel و اختار Network setup Wizard



2- Next




3- Next



4- اختار الى فى النص و بعدين Next



5- Next



6- Next




7- اختار أول حاجة و بعدين Next




8- Next




9- ……




10- اختار آخر حاجة و بعدين Next






11- Finish




12- Yes






و بعد ما الجهاز يعمل Restart يبقى كده كله تمام و الجهاز جاهز لتأدية وظيفته

Windows7



1- نفتح Network and sharing center من علامة النت تحت على اليمين







2- اختار Change Advanced sharing settings من القايمة على اليمين






3- اختار Puplic تحت من آخر الصفحة






4- إتأكد إن كل الإختيارات زى كده






5- Save changes



فاضل نعمل الفولدر الى هيستقبل ملفات الألعاب



Win XP







1- كليك يمين New > Folder و هنسمى الفولدر ده PS2SMB مفيش فواصل ولا أى حاجة و الحروف كلها Capital

2- كليك يمين على الفولدر Sharing and security و بعدين هيتطلع لنا المربع ده هنعلم فيه على Share this folder on the network و نكتب فى Share Name اسم الفولدر كما هو الحروف كلها Capital و بدون فواصل





3- Apply و بعدين OK



Windows7




1- كليك يمين على الفولدر و اختار Properties هيطلع مربع نختار منه Sharing من الإختيارات الى فوق



2- كليك على Share

3- اتبع الشرح فى الصورة بالترتيب




4- ....




5- Done





كده نبقى خلصنا الجزء المتعلق بالكمبيوتر

دلوقتى هبدأ أشرح كيفية عمل الطريقة عشان الكل يفهم إحنا بنعمل إيه

الفكرة هى إننا نوصل جهاز PS2 بالكمبيوتر عن طريق كابل النت و هنحط اللعب على الهارد فى الكمبيوتر و تبقى شغالة من على هارد الكمبيوتر بدون أى توصيلات معقدة

الميزة فى الطريقة دى :-

1- مش هنكون مجبرين على فك الهارد كل مرة تحب تضيف لعبة .. لا ده بالعكس انت بمجرد ما تنزلها تشتغل معاك علطول

2- لما هتشغل لعبة مليناة مقاطع فيديو زى God Of War
مقاطع الفيديو دى مش هتقطع و تهنج ما بيحصل لو موصلين الجهاز بفلاشة أو
هارد خارجى .. و أنا عارف إن دى ميزة ناس كتير مش هتلاحظها بسبب إن معظم
اللعب الى عندهم متشال منها الفيديو و الإضافات عشان تبقى مساحتها أصغر
بحيث تكفى على CD .. عيب تانى فى موضوع التوصيل عن طريق الUSB و هو بطأ تحميل أى لعبة و ده راجع لإن الUSB فى البلاى ستيشن USB v1.1 و ده سرعة تداول البيانات فيه 12 ميجا فى أحسن حالاته و ده بالطبع بطئ جدا بالنسبة للبلاى ستيشن أما كارت الشبكة الى موجود فيه فسرعته أعلى بكتير من الUSB


3- مش هتحتاج تشترى هارد مخصص للبلاى ستيشن لوحده بل يكفى إنك تستخدم هارد الكمبيوتر الى انت شغال بيه

عيوب الطريقة :-

1- لو عندك جهاز PS2 الكبير
يبقى هتكون مجبر إنك تشترى كارت فاكس من الى فيهم مكان لكابل النت و يكون
شغال و المشكلة هنا إن الكارت غالى و كتير جدا من البياعين أو بتوع
الصيانة بيكونوا شايلين مكان كابل النت أصلا


2- لازم جهاز الكمبيوتر يكون شغال لو حبيت تشغل حاجة من على البلاى ستيشن

دلوقتى هنقسم شغلنا على جزئين

الجزء الأول : تجهيز الألعاب على الكمبيوتر

هنحتاج للموضوع ده برنامج USB UTIL و البرنامج موجود فى موضووع الأخ hmadess ممكن تنزلوه من هناك علطول و تاخدو فكرة مبدأية عن البرنامج و لمزيد من التوضيح هشرح كيفية تركيب الISO بتاعة أى لعبة بداخل الفولدر الى إحنا عملناه

1- File > Creat Game from Iso




2- تابع الصورة


]<blockquote> 1 : تحدد منه مكان الفولدر الى فيه الIso بتاعة اللعبة الى إحنا عاوزين ننسخها
2 : نحدد منه مكان الفولدر الى إحنا لسة عاملينه (PS2SMB)
3 : ملفات الIso الى جوا الفولدر الى المفروض هنختار منها اللعبة الى إحنا عاوزينها
4 : اسم اللعبة كما سيظهر فى البلاى ستيشن
5 : أضغط عليه عشان يبدأ نسخ اللعبة
</blockquote>3- بعد تحديد اللعب التى سيتم نقلها اضغط على Create و استنى لحد ما ينقل اللعبةكده الفولدر جاهز و اللعب بداخله

دلوقتى نيجى لمرحلة التوصيل

هنا فى طريقتين لتوصيل الكمبيوتر ب البلاى ستيشن :-

1- التوصيل مباشرة عن طريق كابل Crossover زى الى إحنا عملناه
2- التوصيل عن طريق Switch و ده بيكون بكابل عادى زى الى إحنا بنستخدمه عادة

لمزيد من التوضيح الصورة هنا بتشرح الطريقتين





دلوقتى هنحتاج برنامج OpenPS2Loader يكون على الMemory Card و بيشتغل من L1 و هشرح فى الجزء ده موضوع الL1للى مش عارفه


هنعمل فولدر و نسميه BOOT و هنجيب ملفOplenPS2Loader.elf و نغير اسمه نخليه BOOT.elf و نحطه بداخل الفولدر و نحط الفولدر فى Memory Card و بكده لما نضغط L1 و الجهاز بيفتح هيفتح معانا ملف البرنامج علطول


طب إزاى هنحط الفولدر جوا الميمورى ؟؟



بسيطة جدا

هنحط فولدرBOOT على Flash Memory (فلاشة)

هنعمل إسطوانة عليها برنامج Ulanch.ELF و نشغلها و عن طريقها هنعرف ندخل على محتويات الميمورى و الفلاشة

و بعد كده هننقل الفولدر من جوا الفلاشة نحطه فى الميمورى و بكده نبقى خلصنا الجزء الخاص بالميمورى

بالنسبة للى ميعرفش بشتغل بULanch.ELF يروح على موضوع الأخ MacAmb و هو الراجل و الله متوصى و شرح كل حاجة

كده عندنا البرنامج على الميمورى

فاضل خطوة أخيرة

توصيل الPS2 بالكمبيوتر و ضبط الإعدادات فى OpenPS2Loader


مبدأيا لازم نعرف الIP بتاع الكمبيوتر


أولا : بالنسبة لويندوز


XP




1- افتح control panel

2- اختار Network Connections




3- كليك يمين على Local Area Connection و اختار Properties



4- اختار Support من فوق على الشمال



5- Details




6- احفظ IP Address






بالنسبة ل

Windows 7




1- Control Panel




2- Network and Sharing Center




3- Change Adapter settings





4- كليك يمين على Local Area Connection و اختار Status





5- Details





6- احفظ IPv4 Address






دلوقتى مرحلة التشغيل

1- شغل البلاى ستيشن

2- اضغط على L1 عشان برنامج OpenPS2Loader يشتغل

3- استنى لحد ما البرنامج يحمل و بعد كده اختار Settings على الشمال

4- اختار Network config

5- غير الIP بتاع PC خليه نفس الIP بتاع الكمبيوتر

6- OK
7- وصل الكمبيوتر بالبلاى ستيشن و اختار من القائمة فى OpenPS2Loader >Network Games
8- استنى شوية لحد ما يحمل و هتلاقى قائمة الألعاب ظهرت و بكده يبقى ألف مبروك كل حاجة تمام و البلاى ستيشن متوصل صح ------


بالشكل ده إحنا نفذنا كل الخطوات بنجاح و لو فى أى حد قابلته مشكلة يبلغنى

أفكار لذيذة ( إفتكاسات )

1- لو فى عندك كارت TV-Tuner ممكن تحط الPS2 جنب الكمبيوتر و توصلهم ببعض و
بالشكل ده ممكن تستخدم الكمبيوتر ك تلفزيون و يبقى كل حاجة فى حدود
الكمبيوتر

2- ممكن توصل كذا جهاز PS2 على نفس الكمبيوتر عن طريق التوصيل بواسطة Switch


أرجو إنى أكون غطيت كل جوانب الموضوع و يكون الشرح عجبكم
و أى إستفسار سواء فى حدود الموضوع أو خارج الموضوع أنا موجود
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://roffida.rigala.net
 
طريقه تشغيل العاب ps2 من غير فلاش او هارديسك
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدي الطائر الانيق :: البلايستيشن playstation :: قسم البلايستيشن-
انتقل الى: